Home » Accidente di trafico a causa daño grandi na un cas situa na Ponton, diferente instancia mester a wordo poni na altura

Accidente di trafico a causa daño grandi na un cas situa na Ponton, diferente instancia mester a wordo poni na altura

by Admin
0 comment 60 views

Ponton/Tanki Flip – Diamars mainta den careda di 7’or polis a bay cu urgencia un accidente serio cu e tuma luga altura di Lucky Electricals na Ponton. Informacion cu a drenta tawata bisa cu un auto a drenta cura di cas.

Na yegada di polis nan a constata cu berdad tin un auto cu a kibra cura di un bay aden y cu tin hopi daño material.

Loke a sosode tawata cu ariba e caminda di Ponton pa Tanki Flip un Ford Explorer a baya pasa un Toyota Yaris net momemnto cu elo a bay bira na su man robes.

Esaki a causa cu e Ford a haye ta maniobra, pero ta perde control y bay drenta un cura di cas causando hopi destruccion.

Na e cas ta biba un señora di edad halto cu a pasa den un susto hopi grandi y pa e motibo aki polis a pidi presencia di Ambulance.

E preocupacion cu agentenan tawata tin e momento ey ta cu durante e accidente un pilar a wordo pusha y manda bay dal structura di e cas cu ta traha di palo. Esaki a causa daño na e cas y esaki a bira un motibo tambe pa pidi pa D.T.I y asina laganan controla si e habitante por keda den e cas sin ningun peliger.

Den e daño ta inclui un tuberia di awa cu a kibra cu tawata sacando masha hopi awa mes, WEB tambe a wordo poni na altura.

Polis a avisa Slachtofferhulp pa asisti e famia den e momentonan fastios aki, esta cu un dia prome Pasco bo cas ta sufri un daño asina grandi.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio