Home » Fundacion Parke Nacional Aruba ta sera 2019 recordando cu:  Conservacion di Aruba su naturalesa ta responsabilidad di nos tur

Fundacion Parke Nacional Aruba ta sera 2019 recordando cu:  Conservacion di Aruba su naturalesa ta responsabilidad di nos tur

by Admin
0 comment 60 views

 

 

ORANJESTAD – Fundacion Parke Nacional Aruba (FPNA) ta mira bek riba un aña cu a pasa unda a realisa hopi avanse pa conservacion di Aruba su patrimonio natural. Cu e establecimento di Parke Marino Aruba, y pronto 16+ arean  di naturalesa adicional pa wordo maneha na 2020, e trabaonan di conservacion ta aun mas compleho y ta trece mas desafionan cu FPNA lo enfoka riba nan den e aña benidero. 

 

Service Level Agreement

Na augustus ultimo, FPNA a fortifica lasonan entre Gobierno di Aruba firmando un “Service Level Agreement” (SLA). E proposito di e SLA ta pa yega na un acuerdo ariba e trabounan y esfuersonan cu FPNA ta eherce pa asina logra su metanan statutario. Adicionalmente, e SLA ta implica cu FPNA lo responsabilisa su mes cu e tarea di conservacion y proteccion di areanan cu ta asigna na FPNA, incluyendo investigacionnan cientifico encuanto nos biodiversidad cu lo bai man den man cu e educacion riba conservacion di nos naturalesa na comunidad den su totalidad.  

 

Traspaso tereno di Boca Prins

Un otro paso grandi pa FPNA tabata e traspaso di un tereno priva na Boca Prins na September ultimo, cual tawata tin un duracion di aproximadamente 2 aña, pero cu un resultado positivo pa cual Directiva di FPNA lo sigi sondia e posibilidad pa continua adkiri otro terenonan priva situa den Parke Nacional Arikok pa asina garantisa e conservacion y maneho di e area importante aki.

 

Proyecto Educacion Naturalesa y Medio Ambiente

Durante e luna di december a realisa e proyecto piloto di Educacion di Naturalesa y Medio Ambiente (ENM), cual lo wordo implementa den 2020/2021 como parti di curiculo nacional pa educacion primario. E proyecto piloto ENM ta encera 3 tema: Desperdicio, Biba Saludabel y Flora & Fauna. E scolnan selecta pa forma parti di e projecto piloto aki ta, St. Jan Kleuterschool, Colegio Laura Wernet- Paskel, Cacique Macuarima y Scol Primario Cacique Aterima. Bishita FPNA su website pa lesa mas detayes di e projecto piloto y e diferente temanan aki.

 

Junior Rangers 

Un bes mas a organisa dos junior ranger camp exitoso pa muchanan entre 9 cu 12 aña. FPNA ta sumamente content cu 4 di nos Junior Rangers a logra atende un programa na Bonaire organisa dor di Dutch Caribbean Nature Alliance (DCNA). Durante e programa nan por a elabora riba  diferente topico ambiental cu e otro participantenan y a keda inspira pa sigi trese cambio akin a nos isla di Aruba. 

 

Botanical Garden

Un convenio a ser firma durante e luna di September pa asina traha riba un projecto pa un jardin botanico. E jardin botanico lo ensera varios flora local cu lo trese diferente sondeo scientifico y conservacion cune unda cu por usa e jardin botanico como fuente di educacion, inspiracion y bienestar di nos comunidad. 

 

Shoco Conservation

Den e luna di november, pa di tres aña consecutive, e tremendo team di voluntario di Shoco (Aruba burrowing owl), a sigi ricibi training den ramo di conservacion di shoco. A ricbi bishita di expertonan di Merca y remarcabel cu a ricibi scientificonan di Venezuela pa asina conhuntamente siña un poco mas. E projecto aki ta den colaboracion cu Aruba Birdlife Conservation unda a logra instala tambe varios neishi artificial rond di nos isla. 

 

Orario di Dianan di Fiesta

FPNA kier a gradici empleado, voluntario y  comunidad di Aruba completo pa nan apoyo y sosten durante e aña aki y ta recorda tur hende cu conservacion di Aruba su naturalesa ta responsabilidad di nos tur. FPNA lo tin orarionan adapta di operacion durante dianan di fiesta. Tur persona cu ta desea pa bishita Parke Nacional Arikok ta compromete nan mes na un tarifa di conservacion di Afl. 5.00 pa adulto of Afl. 28.00 pa un jaarpas, muchanan bou di 18 aña ta gratis. Nos ta desea e comunidad di Aruba Felis dianan di Fiesta y un prospero Aña 2020!

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio