Home » Den 5 aña un totaal di 25 famia a haya bishita  Districto 1 ta duna bek na 5 famia

Den 5 aña un totaal di 25 famia a haya bishita  Districto 1 ta duna bek na 5 famia

by Admin
0 comment 48 views

 

 

ORANJESTAD, ARUBA:  Yegando na un otro fin di aña districto 1 di Oranjestad ta duna bek un biaha mas na su districto. Desde 2015 a lanta un concepto pa trece e felicidad y alegria na 5 famia menos afortuna y tabata e momento cu “E Luz di pasco” a nace y bira un realiad. Cada aña 5 diferente famia di menos recurso ta haya un bishita inespera for di e famia di KPA. Awe 5 aña despues por sigui mira e sonrisa, alegria y emocion di e famianan cu ta haya un makuto grandi di comestibel, ham, galiña y un kerstboom pa por pasa un pasco feliz. 

Pa 5 aña largo districto di Oranjestad cu ta consisti di polis uniforma y personal administrativo ta bishita 5 famia den nesecidad. Cu sosten di coleganan di otro departmento y comerciante “E luz di pasco” por sigui briya pa 5 famia feliz.

E aña aki cumpliendo 5 aña, a haci otro 5 famia feliz. Tabata un preparacion grandi pero den union di tur colega di Oranjestad tambe slachofferhulp a logra pone man na obra y haci e deseo di e famianan realidad.

Cu diferente patruya, musica y ambiente a recori Oranjestad completo y a bishita Fiyostraat, Timonstraat, Madiki Kavel, Tanki leendert y Seroe Janchi. Cada famia a habri nan porta yena cu emocion y alegria na momento cu e patruyanan a yega dilanti di nan porta di cas. Cu awa na wowo a gradici e polisnan pa nan gratitud. Polis di nan banda a baila, canta y tambe a brasa cada un famia deseandonan un Bon Pasco y un feliz cambio di aña 2020.

Maske con fastioso y dificil e situacion porta, e meta principal ta pa cada famia cu a wordo escohi por celebra Pasco. Yena nan curason cu e luz positivo cu den bida tur hende merece e oportunidad di por celebra un pasco y aña nobo cu dicha, paz y prosperidad.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio