Home Police Dama a keda pega den auto despues di accidente serio ariba L.G.Smith...

Dama a keda pega den auto despues di accidente serio ariba L.G.Smith Blvd

SHARE

L.G.Smith Boulevard – Dialuna marduga pa mas o menos 12:40 polis a bay cu urgencia poco pabou di unda antes Bushiri Hotel tawata.

Un Hyundai Getz lo a baha caminda y bay dal contra un palo di coco y e chauffeur cu tawata un dama a keda pega den auto. E impacto tawata full na e banda di e chauffeur, un impacto hopi fuerte.

Na yegada e dama no tawata na tino.

Esaki a pone cu a pidi ambulance y Materiaalwagen cu urgencia, mirando e situacion di e dama.

Segun nos a compronde e auto Hyundai Getz bayendo direccion e rotonde di Guardia Group pa un of otro motibo a baha caminda.

Aki ta unda ela bay na su man drechi y dal contra un palo di luz kedando seriamente herida.

Bomberonan a logra saca e dama y pase over pa Paramediconan cu tawata standby pa cuminsa trate.

Despues di algun rato nan a sali direccion Hospital cu ne.