Home Police Cuerpo policial cu informacion oficial di e atraco dialuna mainta na Washington

Cuerpo policial cu informacion oficial di e atraco dialuna mainta na Washington

SHARE

Washington – Dialuna mainta den careda di 10’or un dama ta yega na un cas na Washington totalmente histerico.

Na prome instante e señora di e cas no tawata compronde kiko ta pasando y a pensa kizas ta un hende no bon di cabes.

Despues e dama a cuminsa splica miho cu elo a wordo atraca un poca mas pabou den e caminda di tera.

Asina alarma a wordo bati y autoridad a cuminsa move direccion di e sitio mesora.

Den careda di 11:28 a.m Cuerpo Policial ta saca informacion oficial di e susedido.

“Awe dialuna mainta pa mas o menos 10or central di polis ta wordo notifica cu un señora lo a jega na un cas na Washington bisando cu e la wordo atraca. 

A despacha e unidad di polis di biaha na dicho sitio. 

Na yegada di polis por a compronde cu e señora bayendo direcion di un banco den sercania lo mester a dal un peaton masculino y na unda e la brinde su judansa di biaha pa hibe hospital. 

Na caminda pa hospital e hende homber lo a maltrate y asina bay cu e placa cu e tabata tin cune . E sospechoso a huy na pia . 

Departamento di recherche a jega na e sitio pa asina cuminsa cu nan investigacion y tambe polis technico. Slachtofferhulp tambe a presenta pa brinda yudansa na e señora . 

A mobilisa tur e unidadnan riba caminda pa por captura e sospechoso. A haci uso di e helicopter tambe. 

Ta pidi ken cu a wak algo of sa algo jama e tiplijn di polis cu ta 1114”.

Segun informacionnan ricibi, den oranan di merdia e dama ainda tawata histerico y pasando den e proceso di interogacion na warda di Polis.