Home Police Chauffeur a bira victima di atraco despues di a duna dos homber...

Chauffeur a bira victima di atraco despues di a duna dos homber lift

SHARE

Adriaan Laclé Boulevard – Diadomingo anochi pa mas o menos 11’or polis a wordo manda cu urgencia altura di Citgo Oranjestad unda un persona lo a wordo bati y atraca.

Patruya a yega basta lihe y na prome instante a busca banda di e restaurant, pero despues a bira y ta topa cu un auto Chevrolet suv color blauw scur ariba caminda para.

Na e banda drechi di e auto e chauffeur cu a bira victima di e atraco. Por a mira cu e chauffeur tawata cu kruk y a bisa polis cu su pia ta kibra.

Ela conta polis cu elo a duna dos homber color scur style di Rasta lift.

Nan lo a bise pa bahanan na Citgo final di caya pa nan cumpra cos.

Segun su version yegando Citgo nan lo a cuminsa bringa cune of a dale algun mokete pa asina nan por a atrake.

E cabayero tawata keha di dolor na boca y cara.

Nan a lo a pasa man pa un boshi di yabi incluyendo su yabi di auto, parse nan lo a ranca esey. 

Kiko mas nan lo a bay cune no ta mucho duidelijk. 

Despues un di hombernan a baha y sali core bay direccion nort(La Fama).

Empleadonan di e gas station kiermen esun cu a bay nort semper ta cumpra cos di come paden dus nan sa ken e ta.

E otro si no tin mucho informacion. Casa di e cabayero tambe a yega na e sitio.

Despues di haci’e varios pregunta, polisnan a opta pa bay warda y eynan laga Paramediconan pasa y controla e golpinan cu ela haya.

Un agente a subi na stuur y nan a pone e chauffeur sinta patras den su mesun auto pa nan bay warda.

Ey nan lo sigui cu e investigacion y si ta bon lo avisa Atraco Team y tambe Slachtofferhulp.