Tanki Leendert: Diabierna den careda 10’or y mey di anochi, un persona a bati alarma despues di tabata busca un primo di dje cu tabata perdi y a bin topa esaki sin bida den un container.
https://www.facebook.com/arubanative/videos/1564134807057580/
Segun nos a compronde cu e famia tabata tin basta tempo, aparentemente un luna ney sin mira Wendell Petrochi (48) y nan tabata buscando e caba pa basta dia.
Un primo a dicidi di bay busk’e, caminda cu un hende a bis’e cu nan a mira Wendell su bais banda di un container, pazuid di e scol y enberdad ora ela yega eybanda ela haya un holor hopi desagradabel y den un di e containernan ela bin topa cu e curpa sin bida di su primo Wendell Petrochi, e curpa ya tabata den un estado avansa di decomposicion, mesora ela bati alarma.
Autoridad competente y dokter a wordo pidi cu urgencia na e sitio. Dr. Texier a presenta pa constata morto y despues cu autoridad a haci e investigacionnan necesario a resulta cu e persona a fayece di un morto natural. E curpa a wordo entrega na su famia pa asina nan por cuminsa prepara pa su entiero.
Arubanative.com kier a extende su palabranan di mas profundo condolencia na famia di Wendell Petrochi y cu Wendell sosega na paz.
