Home Politics Parlamentario Endy Croes: Suppletoire Begroting Budget Neutral “Di un deficit di...

Parlamentario Endy Croes: Suppletoire Begroting Budget Neutral “Di un deficit di 444 Miyon di Mike Eman pa un deficit di 4 Miyon di Gabinete Wever Croes. Sinti e Cambio”

SHARE

 

 

Parlamentario Endy Croes ta felicita Gabinete Wever Croes, Minister di Finansas Xiomara Maduro y su Team, Minister President Evelyn Wever Croes y demas Ministernan cu e maneho financiero coherente y consistente pa logra pa di dos aña consecutivo “Back to Back” un presupuesto supletorio Budget Neutral. Esaki ta un logro grandi y alabes e inicio pa pone Aruba bek riba e bon rails financiero. Esaki ta demostra tambe e disciplina den trabou pa locual ta trata anda cu placa di pueblo. Mesun momento cu Gabinete Wever Croes a logra presupuesto supletorio budget neutral, esta cu no ta bin Parlamento na final di aña pa aproba miyones extra cu ya a wordo gasta manera Mike Eman y AVP tabata haci. E Gabinete aki ta percura pa baha e deficit financiero cual tambe ta un di dos logro banda di un presupuesto supletorio budget neutral. 

 

Kico ta e realidad?

AVP pa 8 aña largo a goberna e pais cu deficitnan monstruoso tur aña y asina a construi e Mega Debe. Pa cubri e deficitnan monstruoso aki AVP tabata presta placa bay goal na un manera sin razona. Di acuerdo cu cifranan di Banco Central AVP a presta 2200 miyon den apenas 8 aña di gobernacion. Esaki a crea un otro buraco como cu Aruba mester a paga e aña aki por ehempel 232 miyon solamente na interes riba placanan presta door di AVP. E deficit a alcansa 9.3% di nos Debe Nacional cual tabata e top punt. Esaki a tuma lugar na aña 2014 unda e deficit a alcansa 444 miyon florin. Increibel pa kere pero esaki ta e puro realidad. Asina Mike Eman y AVP a maneha nos pais financieramente causando e desaster cu awe nos tur conoce como e Mega Debe. Mas tristo ta cu e pueblo aki mester bay paga pe 20 aña largo di acuerdo cu rapport di CAFT y Protocol cu Hulanda di 22 di november 2018.  Kico ta e cambio real? Deficit di 444 MIYON di Mike Eman y AVP 5 aña pasa bou Gabinete Wever Croes a wordo baha pa solamente 4 miyon. Pues Pais Aruba mester presta solamente 4 MIYON pa cera e buraco financiero conoci como Deficit financiero. 

 

Aruba lo conoce bek un Surplus

Pa otro aña esta 2020 Aruba lo conoce un Surplus. Kico esaki kiermen? Aruba no mester presta placa mas pa cubri tur su gastonan pero locual cu Aruba genera na su entradanan mes lo ta suficiente pa cubri ful su operacion, te hasta esaki lo resta placa. Pues lo bay tin mas entrada cu lo bay tin gasto. E extra na entrada cu ta sobra ta e Surplus y e momento cu Aruba tin e extra aki Aruba finalmente por cuminsa paga e debe di Mike Eman y AVP. Pa promer biaha den 11 aña Aruba lo conoce bek un Surplus. E ultimo biaha tabata na 2008 bou maneho di MEP. Parlamentario Endy Croes ta pidi Aruba poco pasenshi y hunto nos lo persevera. E situacion cu a hereda di AVP no tabata uno normal pero tampoco nos por bira lomba. Nos a bay eleccion pa asumi un responsabilidad y esey ta locual nos ta haciendo. 

 

Cu perseverencia y creatividad nos lo logra pone Aruba bek riba e bon caminda. Deficit di 444 miyon di Mike Eman y AVP pa un deficit di 4 miyon di Gabinete Wever Croes ta e muestra di esaki cual merece un elogio na cualkier parti di mundo. Pabien Gabinete Wever Croes. Sinti E Cambio!