Home Police Dama a keda peda den Nissan March, despues cu esaki a bolter...

Dama a keda peda den Nissan March, despues cu esaki a bolter ariba Avenida Nelson O.Oduber

SHARE

Avenida Nelson O.Oduber – Diadomingo den ora di marduga birando mainta alarma grandi a wordo bati pa un accidente serio ariba Avenida Nelson O.Oduber(ex Sasaki).

Na yegada di polisnan nan ta constata cu tin un auto gebolter y tin un dama pega den dje.

E vehiculo un Nissan March lo tawata bayendo direccion  zuid(Super Food). Ora cu posiblemente door di velocidad halto a perde control, pasando over di e parti cu ta separa(Greppel) e caminda y bay termina ariba su dak ariba e via cu ta bay nort(direccion Wendy’s).

Den e auto tawata tin tres persona, di cual dos a logra sali mientras manera nos a bisa caba un dama a keda pega.

Mientrastanto ya Materiaalwagen tawata caminda, y na yegada den un Team Word a traha mesora pa libera e dama pega den e March.

Mester a corta dak y windshield pa por a sake.

Paramediconan tawata cla pa tume over y sali mesora direccion Hospital.