Bo faya, bo ta haya, ta un dicho conoci ariba Aruba. Pero e biaha aki nos lo ilustra imagennan di loke a yega den nos man, na momento cu un persona a cay cera y autoridad pa un of otro motibo a laga e detenido cu su cellular den un cel di polis.
Normalmente mayoria di e pueblo di Aruba nunca lo mira e parti aki, den ki estado y vies e celnan na wardanan di Polis ta.
Tin hende cu ta cay cera algun ora of algun dia. Depende e gravedad di bo delito, bo por pasa te hasta diez dia den e situacion inhumano aki na warda di polis. Tambe hendenan inocente tin cu pasa algun dia of ora cera den e celnan fies y hopi inhumano aki, paso Husticia tin e derecho di riba cualke sospecho detene un persona, pa nan por supuestamente haci investigacion. Despues di algun dia bo ta wordo laga den libertad paso nan lo no por haya nada contra bo persona pero abo si a keda cu un trauma di un experiencia asina fies y inhumano.
Esaki ta djis un imagen di e situacion cu un detenido ta pasa aden ora e ta cera. No ta algo agradable. Logicamente esun cu haci malo mester corda e proceso cu e por pasa aden na un warda di Polis. Awor bo lo haya sa kiko ta sperabo si bo hayabo pa un of otro motibo den contacto cu Husticia, sea ta algo chikito of grandi.
Oranjestad – Durante weekend varios potret a sali na claridad di e celnan na warda di Polis.
Algun imagen cu na prome instante cu ta pensa cu esaki ta potretnan di paisnan di Tercer Mundo, NO pueblo no ta Africa, djes cera conoci cu e realidad di e celnan na warda di Polis na Aruba, tur ta mes fies y inhumano, caminda te hasta nos turistanan sa pasa un of mas dia cera.
Pa no bay den niun polemica cu si hende haci malo e mester bay cera esey no ta alcaso awor.
Loke nos kier ilustra awor ta e situacion inhumano y vies, por ehempel un persona cu a core auto burachi lo mester pasa aden.
Celnan pa añanan largo no a wordo manteni, tin un hala di foam bieu na warda di polis y e detenidonan por haya un pa drumi ariba, pero e foamnan aki ta fies y ni puntra cuanto aña e foam nan ey tin, ta diferente detenido ta drumi ribanan, puntra cuanto bacteria tin den e foamnan aki.
E celnan no tin ventilacion, nan ta hopi calor y hopi fies mes, esaki mes ta haci cu un detenido por bira malo. Ta conoci cerca nos cu pa falta di personal di CEA y ora polis ta druk, e detenidonan tin cu keda cera den e celnan aki pa dianan sin por lucht paso no tin personal disponibel pa saca nan for di e cel fies y inhumanonan aki.
E parti mas tristo ta cu cualke persona por wordo deteni pa Husticia, ta djes un simpel sospecho autoridad mester tin riba e persona y elo bay experiencia algun dia of ora e situacion inhumano y fies den un cel di polis. Cel di polis ta manera un cachot, cera den un lugar fies, drumi riba beton. Paso tanten cu Hues no sentencia bo, bo ta keda djes un sospechoso, un sospechoso cu mester pasa algun dia den un cel fies y inhumano.
Tin un monton di Camera di siguridad, niun ta traha pues ningun bista di kiko ta pasando, cu un detenido den e celnan ta ora haya un persona morto ta core yama esnan halto pa bin wak.
Departamento di Salubridad ta saca foyetonan bunita y importante pa combati Dengue, Zika y Chikunguya, pero straño, na e wardanan di polis cerca di e compleho di celnan tin pata pata di autonan bieu cu awa para den nan y tur detenido mester protega su mes cu spray pa contra sangura, sino e ta bira malo. Tin masha hopi criadero di Sangura na e wardanan di polis. Esnan di Management no ta mira esaki ? Señores esaki ta yama criadero di Sangura(Dengue/Chikunguya/Zika)
Management di KPA mester remedia e situacion aki mas pronto cu ta posibel.
Tur cos ta mustra den e direccion cu door cu ta un detenido/sospechoso e no por wordo protega? e no tin derecho? Acaso e no ta un ser humano mescos cu tur otro? Ora un persona keda deteni y hiba warda di polis ainda e no ta un culpabel, e ta un simpel sospechoso, anto pa pone pasa den e trauma aki ta hopi inhusto di parti Husticia di Aruba.
Esaki ta un wake up call pa Management di Cuerpo Policial pa boso mes bay patras y mira e realidad pa boso mes.
Na 2014 Amigoe di Aruba a saca un publicacion relaciona cu e situacion di detentiefaciliteiten di Corsow, Sint Maarten y tambe di Aruba.
Onder de loep
In het CPT-rapport worden alle plaatsen van detentie op Aruba onder de loep genomen. Dit zijn de politiecellen in Noord, Santa Cruz en San Nicolas, KIA, de vreemdelingendetentie en de Verslavingszorg. Naar aanleiding van het eerste inspectiebezoek in 2007, was het rapport zo kritisch dat dit onder andere leidde tot een directe sluiting van de celcomplexen in Oranjestad en de strafcel van het politiecomplex in San Nicolas. Inmiddels worden de politiecellen in Oranjestad opgeknapt en overnachten hier geen verdachten meer.
Playa a wordo cera berdad y añas no ta wordo usa mas, imagina cu ni polisnan mes por a keda traha den edificio debi na exceso di Schimmels cu a causa daño na salud di varios agente policial.
Pero awor nos ta december 2019 y kiko nos ta mira cu e otro Politiecellen durante añanan cu a pasa no a haya of ta hayendo nan debido mantencion y cu tur e consecuencia cu esaki por trece cune !
E hygiena cu no tey y cu no solamente por afecta e detenido (sospechoso) pero por afecta e salud di agente policial tambe cu mester bay atende cu nan patras.