Home » AVB a entrega 6 bunk bed na adictonan

AVB a entrega 6 bunk bed na adictonan

by Admin
0 comment 58 views

 

 

ORANJESTAD, Aruba – Manera cu ta conoci caba AVB ta den pleno reorganisacion di e federacion y pa e motibo aki tin necesidad pa mas oficina. Pues pa necesidad di crea mas espacio den oficina di Arubaanse Voetbal Bond (AVB), a haci algun adaptacion na e edificio. Pa e motibonan aki mester a cambia algun cambernan cu tawata ser uza pa alohamiento den oficina. Despues cu e cambionan a keda haci a resta 12 bunk bed cu AVB lo no haci uzo di nan mas y mirando cu banda cu e federacion ta organisa futbol, e federacion kier duna algo bek na comunidad y asina a aserka Fundacion pa Maneho di Adiccion di Aruba (FMAA) pa haci un donacion di 6 bunk bed for di AVB.  

 

AVB ta un federacion di futbol, pero e no ta trata solamente di futbol, asina Ing. Richard Dijkhoff, President di AVB, a indica. Di e forma aki ta busca manera pa traha cu otro instancianan na bienestar di necesidadnan cu tin.

 

A haci entrega di e bunk bednan pa por haci uzo di esakinan den nan centro. E ta algo cu kier ilustra cu haciendo uzo di futbol como mecanismo of instrumento, cu por contribui na bienestar di comunidad di Aruba tambe. 

 

Pa FMAA esaki tabata un sorpresa y nan ta masha contento cu AVB a corda riba nan, asina Yvonne de Kort, assistent di directiva, a expresa. Semper nan por haci uzo di e camanan cu nan a ricibi for di e federacion. “Nos ta gradici AVB pa obsekia nos e camanan pa haci uzo di nan,” el a expresa. E camanan ta un facilidad cu semper por haci uzo di dje.

 

Randy Williams di FMAA a gradici AVB p’e donacion pasobra por haci bon uzo di e camanan. Esaki ta un necesidad cu e fundacion tin mester di dje. Antes e fundacion tabata Centro Colorado pero pa 7 aña e ta cay bou di FMAA y cu e meta di sigui yuda adictonan mehora.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio