Home » Atracadornan a bay cu 11$mil despues cu nan a drenta un cas heridando e habitante

Atracadornan a bay cu 11$mil despues cu nan a drenta un cas heridando e habitante

by Admin
0 comment 121 views

Tanki Leendert – Diadomingo atardi den careda di 4:25 un cas di famia a wordo atraca door di dos persona, un homber na e cas a resulta herida. Den e cas tawata tin algun dama tambe.

Manera cu polis a haya informacion di e atraco patruyanan a move bay e adres menciona cu tawata na Tanki Leendert.

Na yegada polisnan ta wordo informa  door di e victimanan cu dos homber cu ta papia Spaño a drenta e cas agrediendo un cabayero. E atracadornan lo a yega den un Nissan Cube.

Cuerpo Policial pa mas o menos 5:51 p.m a emiti e siguiente informe oficial:

Diadomingo atardi pa mas o menos 4:25 central di polis ta wordo notifica di un atraco na un cas na Tanki Leendert.

Patruya a jega na e sitio di e sucedido y a compronde un rato prome e personanan den e cas a wordo atraca pa dos hende homber habla spanjo.

Un di e atracadornan tabata tin un arma di candela y e otro un cuchiu. . Nan a maltrata un di e habitante den cas. Nan no tabata tin nan cara tapa.

E atracadornan a bay cu mas o menos $11.000 y varios joyas y dos telefoon cellular.

Nan mester a hui den un auto color blanco glas getint.

Atraco Team a presenta pa haci nan investigacion .

Cuerpo Policial ta pidi esun cu a wak algo of sa algo yama e tiplijn di polis cu ta 11141.

Segun informacion no oficial, e homber herida lo ta un waiter na Ritz Carlton y ta di nacionalidad Peruano.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio