Home Police Tres persona tira pafo di Jumbo Bar Restaurant, e agresor lo a...

Tres persona tira pafo di Jumbo Bar Restaurant, e agresor lo a core bay for di e sitio na pia. Tur 3 lo ta stabiel

SHARE

Siribana – Diasabra marduga pasa di 1’or di marduga melding a drenta di un caso di tiramento altura di Jumbo Bar Restaurant situa na Siribana.

Informacionnan a sigui drenta cu lo tin dos persona herida, uno den area di pecho y e otro area abdominal.

Ambulancenan tambe mientrastanto tawata yegando e Siribana.

Polisnan cu a yega mesora a cera ambos banda di e caya cu lint geel, pa mantene tur hende leu y asina marca tambe e Plaats Delict(PD).

Esaki ta e area unda e incidente lo a tuma luga.

Na e sitio tawata un caos, mirando cu na un banda di caminda por a mira un Kia Picanto para y un cantidad di loke ta parse stoel di plastic kibra.

A wordo bisa cu aparentemente un problema lo a cuminsa paden den e bar restaurant y lo a bin termina pafo.

Pa mas o menos 2:23 a.m Cuerpo Policial a manda un informacion oficial di loke a sosode:

Cuerpo Policial ta informa
Awe diasabra madruga pa mas o menos 1:16 central di polis ta wordo informa cu dos persona a wordo tira na altura di Jumbo Bar na Siribana Sta Cruz.
Na jegada di e patruya a pidi pa ambulance mirando cu enberdad a topa cu dos persona herida pafo di e lugar menciona cu herida di bala.
Recherche a jega na e sitio y tambe departamento technico pa haci nan investigacion.
E sospechoso a hui for di e sitio na pia direcion pabao.
A pidi pa slachtofferhulp mirando cu dos persona a bay den shock na e sitio .
Te aworaki no sa e situacion di e dos victimanan.
Cuerpo Policial ta pidi ken cu sa of mira algo jama tiplijn di polis cu ta 11141.
Algun minuut despues Polis ta haya informacion cu no ta trata di dos persona pero cu ta tres persona a ricibi herida di bala, y cu nan situacion ta stabiel.