Macuarima – Diasabra marduga despues di a transporta dos persona herida pa Hospital door di impacto di bala na Siribana, Ambulance a wordo pidi na Centro Di Husticia cu ta warda di polis na Santa Cruz.
E motibo tawata cu eynan e di tres victima herida door di bala a yega.
Informacionnan cu nos ta dispone di dje ta cu un discusion formal a start na e bar restaurant y e Shooter of agresor a saca un Shotgun.
Pakiko ta bisa Shotgun, esaki ta e heridanan cu e pellets a laga atras na e victimanan.
E dama herida a haya impacto na su banda drechi y esnan cu conoce e materia mesora a saca cu ta trata di un arma di candela Shotgun.
No ta conoci si ta uno cortico o sea cortá of un largo.
Durante cu e pelea of discusion a start e di tres victima cu ta amigo di e Shooter a bay trata na para cos.
Aki ta unda cu segun e su amigo a hera y a tira e tambe.
Door di susto ela core bay su cas, pero algun rato despues a cuminsa sinti dolor y cu e herida ta kima.
Aki ta unda ela core bay Warda di Polis na Macuarima, unda cu na nan turno a avisa Ambulance.
Paramediconan a yega y ta haya e di tres victima cu ta amigo di e Shooter na boxer, nos no sa si ta asina ela core yega warda door cu e herida tawata keda kima y haci dolor. Ela haya impacto di bala na su bil drechi y brasa.
Pues un problema cu a bay totalmente for di control cu por a caba fatal pa tres persona.
Si e Shotgun a wordo usa na un distancia cortico casi sigur tawata fatal.
Manera Polis a trece dilanti den oranan di marduga cu tur tres persona herida ta stabiel.
Autoridad sa ken e Shooter ta, pues lo no ta dificil pa e wordo deteni.