Tanki Leendert – Diabierna atardi polis a bay cu urgencia un compleho di apartamento situa nan Tanki Leendert, unda cu un yiu homber hoben lo tin e famia menasa.
E mama lo ta esun cu a yama y a bisa polisnan cu su yiu homber lo a bira furioso den e cas y te hasta a bay asina leu pa pasa man pa dos cuchiu skerpi y menasa tur hende.
Na yegada di polisnan e mama a bay pafo y a splicanan detayes di kiko a pasa y cu e yiu a bira furioso durante un discusion y cu ela coy dos cuchiu pa menasa tur esnan paden.
E momento eynan e mama tawata kier pa nan atende cu e yiu homber y te hasta pa nan detene bay cune.
Agentenan a haci loke a mama tawata desea. Nan a yama e hoben na su nomber y a logra drenta cu cautela mirando cu e ta agresivo.
Una bes paden nan a yame na su nomber y yega cerca.
Manera nan a yega a bay over mesora na detene poniendo e den boei. Den su poder a haya tambe e dos cuchiunan skerpi.
Agentenan a pidi Transportwagen pa asina hiba e mucha homber warda, pa eynan e proceso cuminsa cana dilanti un Sub Fiscal.
Mama a cambia di idea
Agentenan a bay bek Tanki Leendert pa tuma declaracion di e mama o sea e denuncia.
Aki tawata unda e agentenan a haya nan cu un sorpresa.
Mama di e hoben a cambia por completo y no tawata kier mas haci ningun denuncia contra su yiu homber.
Polis a splike cu e ora mucho cos nan no por haci, y cu nan warda posiblemente lo tuma datos di e mucha y lage bay.
Wel a haci loke e mama kier y awor por spera problema atrobe y ken sa cu ki sorto di final.
