Savaneta – Diasabra mainta den careda di 11:30 un accidente di trafico ta sosode pariba di e crusada di cas di Ex Gobernador Refunjol.
Den e accidente aki tawata tin un dama na estado envolvi.
Manera e accidente a sosode esta algo pasa di 11:30 a pidi pa un ambulance cu urgencia, debi cu e dama na estado no tawata sinti bon.
Pero lamentablemente pa un of otro motibo Ambulance a tarda masha hopi mes.
Ela presenta na e sitio den careda di 12:16 p.m.
Dos ambulance a presenta y a cuminsa duna asistencia.
En total dos persona a wordo hiba Hospital.
Loke nos a compronde cu a pasa tawata cu e auto color blauw bayendo direccion San Nicolas a haye confronta cu e pick up Toyota ariba su banda. Segun nos a compronde, e vehiculo aki tawata pasando varios auto for di Cura Cabay.
Debi cu e chauffeur tawata bou influencia ela hala bay na su banda robes y causa e accidente.
Polis di trafico cu a yega a bay over na test e chauffeur jong, door di usa e Alco-sensor. Esaki a sali cu ela bebe dimas, pasando e limite stipula pa ley.
Ambulance mientrastanto a tranporta ambos persona herida y polis a pidi pa un Takelwagen pa por a move e autonan for di caminda.
