Chauffeur di Hyundai Santa Fe a pasa over di rotonde, y bay dal otro auto

Noord – Diasabra marduga pa mas o menos 4:20 polis a bay e Rotonde nobo altura di misa di Noord pa un accidente di trafico.

Polis na su yegada a bin topa cu un Hyundai Santa Fe y un Altezza. 

Na e sitio por a compronde cu e Santa Fe tawata bayendo direccion nort, pero pa un of otro motibo no a para na e rotonde y a pasa over di dje.

Pa su mala suerte, net momento cu un Altezza a subi e rotonde banda panort.

Aki e chauffeur di e Altezza a haye sorprendi cu e Santa Fe parti pazuid cu a dal contra dje.

Polis a haci testa di alcohol ariba ambos chauffeur, pero manera nan a sospecha e chauffeur di e Santa Fe no a pasa e test. A resulta cu ela supla over di e limite stipula y a wordo deteni.

No tawata tin hende herida.