Home » UN ERA NOBO PA BIGGY BOY JEON ta lansa “AYO’

UN ERA NOBO PA BIGGY BOY JEON ta lansa “AYO’

by Admin
0 comment 102 views

ORANJESTAD – E ora a yega pa Jeon, e talentoso cantante y productor di Aruba, estrena su di dos single titula ‘AYO’ di su álbum nobo titula Biggy Boy Forever. E álbum aki ta un homenahe na tur fanático romántico y lo keda estrena día 14 di febrüari 2020. Cu e álbum Biggy Boy Forever, Jeon ta reintroduci su alter-ego romántico Biggy Boy y ta regresa na su origen musical cu a haci’e asina popular riba nos islanan e ultimo 12 añanan.

Jonathan Thiel ta wak bek riba su carera musical como Jeon y su alter-ego Biggy Boy, cu un humilde satisfaccion y semper ta haci su esfuerso pa dedica tempo na nos islanan caminda su promé inspiracion a nace. Aunke su enfoke actualmente ta riba su carera internacional, e tin un lugá special pa su fanaticada local. ‘AYO’ ta Jeon su ultimo produccion, un cantica den e ritmo di Caribbean-Pop, cu ta papia di un despedida final di un amor cu no a cristalisa. E cantica a keda skirbi y produci pa Jeon mes y e videoclip, cu tambe lo keda lansa awe, a keda dirigí pa Mario Gonsalves y Rui Jiang Ong, kende a fungí como director. E biaha aki Jeon kier a haci algo diferente cu e clip y a colabora cu e compania di produccion RECENT.

Biggy Boy Forever Jeon a dedica e álbum Biggy Boy Forever na tur su fanaticonan romántico cu semper a apoya y gosa di su música. Na october último, Jeon a lansa su promé single di e álbum, titula ‘Pa Semper’, cual ta un colaboracion cu Irsais. Riba Biggy Boy Forever lo tin mas colaboracion cu varios artista popular di nos islanan cu ainda e tin como sorpresa y un proyecto sigur cu Jeon ta entusiasma p’é pa cu e álbum, ta su colaboracion cu Clifton End.

Concierto ‘Biggy Boy Forever’. Aruba, Boneiro, Corsou y Hulanda ta den gran expectativa tambe pa locual cu lo bai bira e concierto Biggy Boy Forever cu lo tuma lugá día 28 di maart 2020 na Aruba. Tambe Jeon lo tin algún presentacion pa e islanan di Corsou y Boneiro y tambe Hulanda lo yega na turno. Aki, Jeon a priminti di trece un combinacion di cancionnan bieu y nobo pa hiba un y tur bek den e dushi temporada na cuminsamento di su carera.

E videoclip di “AYO’ ta disponibel riba YouTube riba e página Arvanimuzic https://youtu.be/x8p-wLUeYU4 i e single ta disponibel na tur radio popular riba nos islanan. Bo por siguí JEON riba facebook.com/arvanimuzic i Instagram @jeon_arvani
JEON AKA BIGGY BOY

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio