Ta reina desesperacion total den AVP ora bo sinta scucha ex Minister Mike de Meza ta papia sin niun tiki cuer’i cara di e refineria. Un ex Minister cu ta kere cu e por sigui manipula pueblo un biaha mas manera tabata e caso na 2009 unda Mike de Meza tabata para na gate di e refineria y tabata grita cu e tin deal caba cu PEMEX y manera cu bin cambio di gobierno e lo percura pa e refineria por tin bida atrobe. Pero realidad ta cu awe pueblo ta sinti e engaño ora cu a bay den un aventura cu Citgo despues di a dal poco trip duro na Houston den limosin y bon escorta a firma un contract di mas di 2000 pagina y cu awe e trahadornan aki a keda desampara.
Engaño un biaha mas
Un biaha mas por mira un desesperacion total di Mike de Meza unda cu ta bin manera tabata na 2009 purba gaña pueblo cu e tin un monton di compania interesa den e refineria. Pero si tabatin tanto compania interesa, pakico a bay den e acuerdo di Citgo anto? Pero lo mas resaltante ta cu awo Mike de Meza ta haci uso di un persona cu den pasado tambe supuestamente tabata representa un compania cu tabata interesa den e refineria pero cu hamas Mike de Meza no a contesta nan carta y pio ainda a sinta cu nan y awe pa straño cu e por zona nan a uni forsa pa purba manipula pueblo. Pero e tipo di politica populista aki no ta funciona mas.
Deal Citgo
Despues cu ex Minister Mike de Meza a anuncia desmantelacion di e refineria cu a cera bao di su maneho, diripiente pa gaña wowo di pueblo a bay den un aventura cu Citgo pa Hulanda no mester a tuma Aruba over pa motibo di e fracaso di e plan berde pa crea un pilar economico nobo. Cu tur e problemanan financiero cu Venezuela conoce, asina mes Mike de Meza a hinca Aruba den un aventura cu un grupo di hende cu den nan mayoria a cay cera pa corupcion y tabata e mesun grupo cu a trip cu nan na grandi na Houston. Despues cu a firma e acuerdo desastroso aki a bay over na 2 fiesta di apertura gastando como 800.000 florin incluyendo trecemento di Destra pero hamas e refineria a conoce un apertura. Echo ta cu amigonan di ex Minister si a strica placa den RDA y algun trabao den refineria pero pueblo mester a paga e prijs di e placa cu hamas a drenta di e refineria.
Mal escogencia di Mike de Meza
Den e aventura di e deal di Citgo e gran ganadonan tabata e amigonan cercano di Mike de Meza incluyendo e prodigio di partido AVP Richard Arends cu hasta manera ladron di anochi a ser nombra director financiero despues di a strica mas di 2 miyon florin y cu su compania Horizon tambe a strica den e deal di Citgo pa asistencia huridico.
Mike de Meza ta kere cu e pueblo aki ta hendenan ignorante cu lo ta lubida kico e y AVP a haci cu e pueblo y sigur a percura pa enrikec’e y su amigonan mientras pueblo y e trahadornan di e refineria a keda desampara pa motibo di mal escogencia di Mike de Meza.