Rooi Kochi – Diaranson anochi polis a haye cu caso basta serio si e persona cu pidi asistencia di polis por prueba esaki.
Tawata den careda di 9:45 cu polis a wordo informa di un problema basta serio cu ta saliendo for di man.
Patruya di San Nicolas mirando cu lo ta trata di un problema serio a bay pura dicho adres.
Eynan a bin topa cu un dama, cu lo a bisa polis cu su pareha lo ta den camber cu un menor di edad. E homber en cuestion di inicial A. lo a bira furioso y lo a pusha of dal e dama. Aki elo a pasa man pa e yabi di auto di e dama y bay di e sitio.
Segun e dama elo a yega y haya e menor di edad den camber cu e homber aki, cu lo ta conoci pa actonan asina.
Ela sigui conta polis cu A. ta un Pedofiel.
Kiko ela mira/scucha no ta mucho cla, pero eynan ta unda problema a start.
Mesora a bay un mensahe pa tira bista ariba dicho auto. Algun minuut despues a spot e auto den area di Santa Cruz pero ta perde mesora tambe for di bista.
Parse cu e menor tambe ta den e auto cu e homber A.
E dama ta preocupa paso e ta pensa cu e homber ta drumi cu e menor y posiblemente lo tin un relacion completo cu e menor.
Polisnan a tuma declaracion di e dama y lo a mustre e pasonan pa tuma, esta bay JZP .