Home » Maribomba den auto mal cos: Chauffeur a perde control y dal contra palo di luz na Mahuma

Maribomba den auto mal cos: Chauffeur a perde control y dal contra palo di luz na Mahuma

by Admin
0 comment 56 views

Mahuma – Diahuebs mainta den careda di 7’or un accidente cu basta daño material a sosode ariba e caminda di Mahuma pa Jucuri.

Akinan un Toyota Vitz a perde control y ranca un palo di luz di Hoogspanning.

Polis mester a cera ambos banda di caminda mesora, debi cu tawata un caos. Door di e impacto esaki a causa cu ora e palo di luz a kibra, elo a bin abou cu mas palo di luz conecta cune.

E caminda a keda cu hopi waya di coriente benta abou y e palo di luz kibra.

Esaki sin conta e auto mes cu a dal e palo.

Loke a sosode tawata cu un hoben na stuur di e Toyota perde control momento cu un Maribomba a drenta den e auto y lo kier a atake o sea pika e chauffeur.

Pa no wordo picá e chauffeur a cuminsa ansha y “bringa” cu e Maribomba causando cu ela perde control y baha caminda dal e palo di luz.

Esaki ta di dos caso den 2 siman unda cu pa motibo di Maribomba den auto chauffeurnan ta accidenta.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio