Palm Beach / Santa Cruz / L.G.Smith Boulevard
Diahuebs marduga un biaha mas agentenan policial mester atende cu personanan cu ta bebe asina hopi, y cu despues nan no por controla nan mes.
Dama burachi haya na Lekker bar restaurant
Durante oranan di marduga cu polis ta controla e sluitingstijd (orario pa cera) na Lekker, agentenan a topa cu un dama totalos.
Mirando e situacion cu e dama tawata aden a pidi pa Transportwagen pa hibe Warda di Shaba.
Eynan varios agente mester a tene y hibe den cel.
Patruya di Santa Cruz diahuebs marduga a topa un auto coriendo hopi malo altura di Wema na Santa Cruz, nan a sigui’e y altura di Rowiginis a logra pare.
Chauffeur burachi tras di stuur na Santa Cruz
Manera nan a pensa un chauffeur cu parse di edad tawata pata pata tras di stuur.
Akinan tambe a pidi pa Transportwagen pa hibe Warda di Santa Cruz.
Eynan tambe varios agente mester a yuda e cabayero baha y hibe den e compleho di celnan parti patras.
Patruya di Playa tambe a haya su Share ora cu nan a wordo informa cu altura di Royal Plaza tin un homber canando memey caminda.
Patruya di Playa atendiendo cu e homber burachi canando memey caminda.
E homber aki lo tawata pidiendo lift y ta bou influencia.
Mesora patruya di Playa a bay e sitio pa haya e homber y kite for di caminda.
Altura di The Paddock a bin localisa e homber y mesora a pidi Transportwagen tambe mirando cu e homber tawata hopi burachi.
Pues asina nos ta mira cu tur dia nos Polisnan mester deal cu situacionnan manera esakinan. Sea nan ta tras di stuur treciendo nos trafico na peliger y causando accidente of na pia exponiendo nan mes na wordo gedal pa un auto.