Sero Cristal – Diaranson mainta pa mas o menos 11’or un accidente hopi serio ta sosode un biaha mas cu Quadracer.
E accidente aki a sosode manera hopi di otronan durante un di e tantisimo tournan cu ta wordo ofreci na nos turistanan.
Un pareha turista ariba un Quadracer a accidenta den e bocht na Sero Cristal. Esaki mas sigur tin di haber cu nan no conoce e caminda y diripiente ta topa cu un bocht.
Loke a sosode tawata cu e pareha a perde control den e bocht y a dal contra un baranca na rand di e caminda.
Despues a sigui y dal contra un kabel(metal) cu ta wanta e palo di luz.
Debi na e impacto fuerte e turista a ricibi multiple trauma, kibrando heup y casi tur su dedenan, tambe ela ricibi un herida na e pia robes cu tawata sangra masha hopi mes.
Esnan presenta mesora a yama 911, pidiendo ambulance cu maximo urgencia. Un Paramedico turista pasando eybanda mesora a baha un cuminsa duna prome auxilio, wardando ambulance cu a yega hopi lihe.
Un Tourniquet a wordo haci mesora pa para e sangramento.
Polis di trafico tambe a presenta pa asina tuma tur datos di e accidente aki cu ta uno dimas.
