58
Durante e Cena di Pasco di siman pasa Dr. Guaicaipuro Jimenez Presidente di Aruba Taekwondo Bond “ARTBO” a relata di aña 2019 y den cua direccion Taekwondo ta bayendo den 2020. Tambe a presenta e team di Cadet cu ta bay Surinam den luna di Februari pa participa den e TK5: Roderick Tromp, Jahmani Eisden, Samuel Rosales y Danon Delamore. Dr. Guaicaipuro Jimenez a entrega Záhyon Klabér un plakaat pa tur su logronan den aña 2019 y ta spera hopi mas den 2020.
Durante e Cena di Pasco Judith Nassy a presenta e team di damas cu ta para firme tras di e team di Aruba: Linda Tromp, Josefa Willems, Judith Nassy, Danica Delamore y Alitia Rosales.
Melvin Garcia a entrega Jourdé Klabér un plakaat pa tur e logronan durante aña 2019.
Cornel Djaoen di Tele Aruba a entrega Danon Delamore un plakaat pa tur su logronan den aña 2019. Cornel Djaoen ta sigui e team di “Train Hard Fight Smart” desde 2009 ora cu a biaha pa prome biaha pa un open.
Irene Dake di RCA a entrega Joshua Klabér un plakaat pa tur su logronan di aña 2019 y a desea Joshua Klabér un miho aña 2020, mirando cu Joshua Klabér ta cuminsa competi den e categoria di Junior.
Master Eric Barry di San Nicolaas Taekwondo Center a entrega Samuel Rosales di Noord Taekwondo Center un plakaat pa tur su logronan durante aña 2019.
Master Augie Tromp Vice Presidente di ARTBO a entrega Micheal Noel un plakaat.
Invitado special di e anochi tabata Sra. Xiomara Roga Mohamed kende ta un di e damasnan cu ta traha tras di cortina.