Parlamentario Endy Croes por a tuma nota di un comunicado di Robert Candelaria kende ta cuestiona e supuesto movecion straño y dudoso cu Gobierno kier ehecuta cu propiedad y/of terenonan estatal. Ora Parlamentario Endy Croes lesa comunicadonan di hipocritanan manera Robert Candelaria, e mester por compronde bon bon cu nos lo contesta nan y splica pueblo cu e berdad dilanti. Candelaria tin toolnan legitimo den su man manera Reglement van Orde unda e por haci preguntanan por escrito na Gobierno si dado caso Candelaria no ta compronde of ta desea splicacion of aclaracion riba un of otro tema. No obstante Candelaria tampoco nunca ta na trabou, e no ta haci uso di esaki pero ta scoge pa bay prensa y lanta stof cu no ta existi.
NO gaña y NO calumnia
Segun Candelaria, e bendemento di tereno di erfpacht pa eigendomsgrond cu companianan estatal lo trece cune un aumento drastico di prijs di awa y coriente unda pueblo lo bay paga pa esaki finalmente (lesa su artikel). Parlamentario Endy Croes ta puntra Candelaria pakico bo no ta haci bo trabou y manda puntra, ricibi splicacion promer cu bo lanta calumnianan falso? Bo ta un Pastor y den e 10 mandamentonan un di nan ta NO gaña y no calumnia. Pa e malasuerte di e profeta falso Robert Candelaria, momento su comunicado a wordo publica mesun momento Gobierno a anuncia rebaho di prijs di coriente cu 10% pa pueblo. Pues e rebaho aki ta conta pa bo tambe Robert Candelaria. Sea poco gradicido den bida. Esaki hustamente ta demostra con Candelaria ta gaña y manipula cu prijs di awa y coriente ta bay subi.
Di polis respeta pa pastor mentiroso
Lamentablemente Robert Candelaria a converti su mes di un Polis respeta pa un Pastor mentiroso y manipulador. Esaki no a straña nos, Parlamentario Croes a splica. Pa bo subi lista di AVP bo mester ta minimo un gañador, un corupto, un ladron, un manipulador, un bandido pa bo por bin na remarke promer bo drenta curso cerca Mike Eman y algun maestro di Universidad. Plan di Gobierno pa bende terenonan erfpacht inicialmente cu companianan estatal convertiendonan nan erfpachtsgrond den eigendomsgrond, despues companianan priva y hasta den futuro cu pueblo ta un proceso cu Hulanda mes a pasa aden. Esaki den buki di e propio companianan ta duna nan mas assets y mas forsa. Pues no ta nada nobo.
Candelaria, abusador di pueblo
E mesun Candelaria aki a bin Aruba cu henter famia riba custia di e pueblo aki pasobra nunca el a paga gobierno bek tur e gastonan di su 4 biahenan plus traslado. Candelaria a cobra 8000 florin pa luna como coordinador pa e campaña sin nunca a traha pa e placa aki. Na Aruba nos ta yama hendenan asina abusador di pueblo. Candelaria kier a bira Director na Directie Scheepvaart cu salario di 20 mil pa luna. Mike Eman a firma e Ministerraad Besluit aki pe. Danki na e cambio di gobierno cu a logra para e abusonan aki. Endy Croes ta termina bisando Robert Candelaria “dime con quien andas y te dire quien eres”.
