Palm Beach – Diadomingo marduga pa mas o menos 1:30 polis a topa cu un accidente serio di un brommer y auto. Esaki tawata pariba di e luznan di trafico na Palm Beach, esta direccion e gasolin station.
Na yegada di polis nan ta topa cu e motociclista benta abou y cu hopi golpi na curpa.
Por a mira restonan di e brommer gespart rond.
Seguna chauffeur di e Hyundai Accent ela mira e brommer biniendo for di pariba ariba su banda, y tambe sin luz.
Ela trata di evita e impacto, pero asina mes e brommer a dal contra e auto.
Agentenan na e sitio mesora a cera e caminda pa asina facilita yegada di ambulance y pa Paramediconan por traha rapidamente cu e motociclista cu tawata seriamente herida.
Specialista di trafico tambe a ser pidi pa e luga.
Paramediconan a prepara e victima pa despues sali cune cu urgencia direccion Hospital.
