Home » RHYTHM & CUISINE ON D’AVENUE un evento unico na San Nicolas

RHYTHM & CUISINE ON D’AVENUE un evento unico na San Nicolas

by Admin
0 comment 84 views

 

Riba rednan social por tuma nota di un evento nobo cu ta programa pa diadomingo, 22 di december 2019 na San Nicolas.
E organisacion tras di Rhythm & Cuisine on D’Avenue a confirma cu esaki lo ta e prome edicion di e evento cu ta carga e concepto di “dine & fête”, den otro palabra, “dinner and a concert”.
Rhythm & Cuisine lo tuma lugar riba “D’Avenue” cual ta conoci como “Promenade” na San Nicolas. Entrada lo habri for di 5’or di atardi y e anochi lo cuminsa cu e parti di cena. E cena ta consisti di un cena di 6 plato cu entre otro platonan Caribense prepara pa chefnan veterano y hoben di San Nicolas, cu ta renombra den arte culinario. Durante di e cena lo tin entretenimento pa tur presente por relaha, disfruta di e dushi cuminda y un ambiente diferente, mientras cu nan ta wordo sirbi y aprecia e show.
Pa 9’or y mey di anochi entrada lo habri pa e parti musical di e anochi, cu lo conta cu ritmonan di artistanan local y internacional den genero di Soca.
Rhythm & Cuisine tin como meta pa trece un evento bon ehecuta, di balor halto pa henter comunidad. Parti di e fondonan recauda lo bai pa Esso Heights Playground Foundation.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio