Parlamentario di partido POR, Alan Howell a tuma nota di un otro situacion inaceptabel cu ta tumando luga pariba di brug.
El a duna di conoce cu despues a haya masha hopi yamada y mensahenan riba e situacion cu habitantenan di pariba ta pasando aden relacciona cu lo cual ta pasando den e sucursal di belastingkantoor na San Nicolas, el a dicidi di bishita e edificio su mes y wak e situacion pa cual e habitantenan di San Nicolas y vecindario ta asina hostina.
Howell a indica cu e belastingkantoor na San Nicolas ta habri riba diahuebs y diabierna so y pa colmo, segun pueblo, e miho trahador a bay cas tambe debi cu su contract a caba.
“Mi a tuma contacto cu Minister Xiomara y mi a splike cu esaki no por. Minister a priminti di trece un solucion mas pronto cu ta posibel”,e parlamentario di POR ta bisa.
E ta finalisa bisando cu tin tres situacion sigur cu ta tumando luga na San Nicolas cu e y pueblo no ta bay tolera y tampoco acepta cual ta: e ciere di e sucursal di AZV den Imsan, luznan di caya den Bernhardstraat cu no ta den funcion pa hopi tempo y awo e asunto aki di belastingkantoor na hulpbestuurskantoor San Nicolas. “San Nicolas deserves much better than this”, Alan Howell a conclui.