Home » Minister di Cultura a duna sosten na Show di Pasco di  Fundacion Artistar na Cas Tan Tin

Minister di Cultura a duna sosten na Show di Pasco di  Fundacion Artistar na Cas Tan Tin

by Admin
0 comment 79 views

 

 

ORANJESTAD – Fundacion Artistar, bou di guia di Sra. Bertha Wolff, a organisa un Show di Ambiente di Pasco’ e aña aki cu un cantidad di 15 mucha y hoben cantante, hunto cu dos grupo tipico na Cas Tan Tin. E hobennan cu a deleita e publico cu un cancion di Pasco tabata: Ruwell Webb, Lizienne Webb, Cristopher Croes, Javinah Besselink, Dayenne Croes, Jaycelyn de Cuba, Akylaah Croes, Stephanie Quant, Gismary Linarez, Marilyn Lugay, Ivy-Anne Brown, Priscilla Quant, Jaydiene Croes, Zarel Yarzagaray, Jaylon Machado, Micheline Abreu, Edsel St. Jago y Jaime Robles de Medina. Tambe tabatin presentacion di Agrupacion Tipico UN BRINDIS cu a pone tur e bailadonan riba pista di baile. Na final Agrupacion TIPICO CAMARIS bou di guia di sr. Fabian Ras, a culmina e show cu un bunita presentacion. 

 

Tabata un anochi hopi ameno den ambiente di Pasco den sabana di Cas Tan Tin. Swingline Production a transforma e fachada di Cas Tan Tin den un podium cu a wordo ofreci na tur nos cantantenan hoben y adulto. Pa Minister Xiomara Maduro tabata un placer di por disfruta di e ambiente y pa mira con nos hobennan tabata contento di por a haya un tarima pa nan presenta nan talento pa medio di nan cancionnan animando e publico. Esaki ta netamente un di e metanan di Ministerio di Cultura y cu e Show di Ambiente di Pasco aki sigur por a mira con e participantenan tabata gosa di e tarima cu a ofrece nan.

 

Un felicitacion na Fundacion Artistar cu pa prome biaha ta dedica un show den ambiente di pasco special pa nos futuro artistanan. Por a ripara cu e hobennan ta hopi bon prepara, sigur di nan mes y nan alegria  ta brota durante di nan presentacion. 

 

Un danki na Fundacion Artistar, Fundacion Cutisa y un y tur pa a haci tur posibel pa logra realisa e anochi aki. Minister Xiomara Maduro ta desea tur nos artistanan na Aruba felis dianan di fiesta. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio