Home » PARTIDO MEP TA LAMENTA CU AVP TA ATACA INTEGRIDAD DI NOS LIDER SIN BASE

PARTIDO MEP TA LAMENTA CU AVP TA ATACA INTEGRIDAD DI NOS LIDER SIN BASE

by Admin
0 comment 58 views

Den ultimo dianan por a nota un atake constante riba integridad di Lider di Partido Evelyn Wever-Croes. Esaki ta obviamente un forma di bruha tera y di desvia atencion riba e corupcion real: investigacion di Benny Sevinger y caso di Paul Croes, ambos ex minister di AVP. E strategia aki di AVP ta asina obvio cu masha poco hende ta worry cu n’e.

Lider di Partido MEP Evelyn Wever-Croes a refuta tur e acusacionnan di AVP den su contra y a cataloga e acusacionnan como falso.
Mirando cu AVP a bay asina leu di entrega keho contra Lider di Partido y mirando cu e keho ta falso, esaki ta un delito riba su mes. E keho ta falso pasobra ningun momento ni ningun caminda den e 100 y pico pagina cu nan a entrega, tin un prueba ni vinculo cu Evelyn Wever-Croes a comete algo ilegal. Nan a entrega recibonan di oficina di abogado cu no ta di Evelyn Wever-Croes.

P’esey dia 19 november ultimo Evelyn Wever-Croes a entrega keho contra Melvin Tromp y e Fundacion di AVP pa keho falso “valse aangifte” a base di articulo 2:142 di Codigo Penal y pa atacha su bon nomber “smaad” a base di articulo 2:224 di Codigo Penal.

Den su keho Lider di MEP a prueba cu e nunca a mete cu locual e companianan estatal ta dicidi riba e tereno di cual abogado, accountant, banco etc nan ta scoge. Es mas, Evelyn Wever-Croes a prueba cartanan cu el a manda na e companianan, cu bou di su Gobierno un Minister no mag di mete su mes cu esey. Pues e companianan ta liber den scoge nan abogado.
Ademas Lider di MEP a prueba cu e companianan estatal ta haci uzo di varios oficina di abogado.

Na fin di dia ta importante pa señala cu un compania estatal ta haci uzo di servicionan di profesionalnan di nan confiansa. Gobierno anterior tabata haci uzo di 4 oficina di abogado:
Patricia Dowers, esposa di minister e tempo ey, Arthur Dowers, Benvinda de Sousa, esposa di Parlamentario di AVP e tempo ey, Desiree de Sousa. Lucy Peterson, esposa di Lider di Fraccion di AVP e tempo ey, Baba Herde. Y abogado Sjiem Fat, persona di confiansa di Mike Eman y partido AVP.
Tur a gana cuantioso cantidad di placa durante 8 aña. Y pronto nos lo publica tur.

Dicon Melvin Tromp no a entrega keho e tempo ey, ta keda un misterio. Es mas, e tabata den Parlamento y tabata wordo paga pa controla su gobierno. E tempo ey el a sinta aplaudi Eman y tur su mal maneho y awor si el a mira e lus y a haya e caminda pa e porta di Ministerio Publico.

Miho Melvin Tromo no bay Ministerio Publico mucho hopi pasobra nan ta capas di ten’e. E mes tin un record hopi dudoso di cosnan di pasado y tin awor un keho contra dj’e

AVP ta entregando keho pa loco, pa stroba Ministerio Publico di investiga Benny Sevinger, pero esey lo no pasa. E investigacion contra Benny Sievinger ta bayendo “viento en popa” y pronto lo tin sorpresa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio