Alto Vista/Sabana Liber – Diabierna mainta pa mas o menos 8:30 patruya di Noord a duna un Kia Picanto color blauw un señal pa e para.
https://www.facebook.com/arubanative/videos/773299643191573/
Pero, esaki no a sosode y ta unda un persecusion a cuminsa.
Tur cos a cuminsa den e area di Turibana unda a sigui un parti pa Sabana Liber y na final termina ariba un caminda di tera sin salida.
Na stuur tawata tin un homber Venezolano cu lo yega di Punto Fijo hunto cu su pareha mas o menos 1aña pasa. Nan a yega via Airport, y no a bay mas.
Despues cu e homber a drenta e dead end ela baha core, pero dos agente jong y agil a bay su tras y a mande tera. Den e caida ela ricibi un herida den area di su wowo robes, cu tawata sangra.
Mesora nan a pone den boei y a pidiTransportwagen.
Eynan sinta abou den boei ela cuminsa conta y contesta algun pregunta cu tawata wordo haci na dje.
E cabayero aki tin di Meld na GNC tur dia, pero posiblemente susto a pone core pa polis. Segun su version, aunke cu e tin “Status di Asilo” y mester Meld tur dia na GNC(Guarda Nos Costa) nan ta detenebo y cerabo y no kier wordo manda Venezuela.
Dos luna pasa su yiu a nace aki na Aruba, unda e tin un gasto habri cu Hospital di 4mil forin cu e ta pagando na 200 florin pa luna.
Trabou di mecanico aki aya e ta gana su placa, mirando cu e no por traha legalmente ningun caminda.
Na final Transportwagen a yega y a hibe unda lo pase over pa GNC, kende lo dicidi kiko ta bay pase cune.