Otro auto victima di ladronicia, lo por ta trata di mesun ladron di Stadionweg

Shakespearestraat – Diaranson anochi pa mas o menos 9’or polis a bay unda e Avond Havo ta esta den Shakespearestraat.

Eynan tambe posiblemente e mesun antisocial a hit atrobe.

Eynan un Ford suv a bira blanco di e ladron of ladronnan.

Posiblemente despues di e kibra e auto di e señora den Stadionweg ela cana bin mas pabou.

Aki ta unda ela haya e Ford suv y a kibra esaki mesun manera cu e auto Kia den Stadionweg. Pues e bentana dilanti banda di pasahero.

E biaha aki ela bay cu un cartera, pero segun e doño lo no tawata tin mucho cos aden.

Polis presenta y a tuma tur datos.

Nota: Ta bon pa tur hende cu mester bay scol of haci algo otro den e vecindario aki anochi pa no laga nada di balor den bo auto.