Fundashon Nos Kier Boneiru Bek ta organisa su di 4(kuater) konferensia riba e Futuro Politiko, Derecho di Outodeterminashon I Reparashon di islanan di Antias I Karibe e fin di siman un evento historiko. Oradornan prinsipal for di Korsou, e lider di Pueblo Soberano I ex-prome minister dr Ben Whiteman I for di Aruba, aktual Presidente di Parlamentu di gobierno di Aruba: mr Juan “Ady”Thijsen I Sr. Charles Woodley deputado di e gobierno-deroka di Sint Eustatius. For di islanan ruman Karibense ta programma pa partisipa oradornan, lidernan I ekspertonan for di US Virgin Islands, San Andres I Providencia, Puerto Rico I Guyana Franses. Komo key-note speaker lo ta eksperto riba gobernashon I outodeterminashon di Nashonan Uni Dr. Carlyle Corbin.
E situashon politiko I estatal di Bonaire I St Eustatius a desaroya I ta di indole ku nos no tin ni poder ni nos destino mas den nos mes man. Awor ta momento pa rekonsiliashon I reunifikashon komo islanan ruman Antiano. I ku e sosten I solaridat di nos otro rumanan Karibense luchando huntu nos lo por logra. Nos tin derecho di ta bas bek den nos mes kas, liber I igual, I ku nos propio gobernashon. Ora Bonaire wordu re-inskribi bek riba e lista, Hulanda tin e obligashon di raporta kada anja na e Asamblea General di Nashonan Uni di e forma ku e ta asisti I sostene nos realisa nos propio gobernashon bek I realisa e progreso I bienestar sosial, ekonomiko, politiko I edukativo di e pueblo Boneriano, konforme artikulo 73 di Deklarashon di Teritorionan-Sin- Propio-Gobernashon di Nashonan Uni.
Diabiernes 6 december den Parke Wilhelmina di 6:30pm pa 9:00pm lo tin un Meet & Greet/ Radio-ton ku e partisipantenan I delegashonan di diferente islanan partisipando I RadioTon pa rekauda fondo pa paga pa e investigashon di grupo eksperto pa Nashonan Uni pa e proseso pa reinskribi Bonaire bek riba lista di Nashonan Uni.
Diasabra 7 december di 9:00 am pa 1:30 pm na Captain Don Habitat konferensia internashonal na ingles pa tur isla partisipando I atardi di 6:30pm pa 9:00 pm den Parke Wilhelmina simposio aire liber na papiamentu i entrada ta liber pa publiko.
Konsidera esaki komo un invitashon personal I bin djoin nos den e evento historiko aki.
