142
Camacuri – Diaranson mainta dos a auto a haya nan mes envolvi den un boksmento poco mas pariba e Ex John F. Kennedy School.
Polis tambe a wordo poni na altura y a yega na e sitio.
E autonan envolvi tawata un Taxi Honda Pilot y un Hyundai suv.
Segun nos a compronde, e Taxi tawata bayendo via Rotonde Las Americas direccion Airport.
E Hyundai mientrastanto tawata para na banda di caminda.
Chauffeur di e Hyunda sea lo no a mira e Taxi biniendo y subi caminda pa bay direccion Belastingdienst.
Ey tawata unda e Taxi no por a haci mucho cos y a dal Hyundai den banda, pa despues ambos bay termina banda di otro.
No tawata tin hende herida, pero daño material si ta considerabel.
