Home » Lider di AVP, mr. Mike Eman: GOBIERNO TA SIGUI PERHUDICA CONTRATISTANAN CHIQUITO Awor ta corta den nan pago !

Lider di AVP, mr. Mike Eman: GOBIERNO TA SIGUI PERHUDICA CONTRATISTANAN CHIQUITO Awor ta corta den nan pago !

by Admin
0 comment 56 views

Scuchando e reclamo di diferente contratistnan chiquito cu ta haci trabao canto di caminda pa gobierno e Lider di AVP, mr. Mike Eman ta lamenta cu atrobe decisionnan ta cai cu ta perhudica e contratistanan chiquito aki di famianan humilde. Hustamente den fin di anja cu mas famianan tin mester di nan entrada ta mira cu Gabinete Evelyne Wever Croes a tuma un otro medida inhusto cu ta afecta severamente e entrada cu ya ta hopi margina di e contratistanan chiquito cu ta traha pa DOW.

Gobierno a dicidi pa forza contratistanan chiquito inhustamente den mas dia liber sin pago den fin di anja. Contratistanan cu ta traha a base di servicio – no work no pay – ta bai perde asina mas dia cu nan mes ta desea cu e “vacantie obligatorio” aki cu Gabinete Wever Croes ta impone riba nan. Ta trata di 5 dia extra cu a pone ariba e dianan liber sin pago. Den fin di anja nan ta perde 5 dia di trabao cu ta representa ¼ pago di nan entrada pa luna. Esaki ta cai nan hopi duro mes, e lider di AVP, mr. Mike Eman ta splica.

Mr. Mike Eman ta bisa di no ta compronde kico ta intencion di Gabinete Wever Croes pa cu e famianan humilde aki. Promer a mira un persecusion partidario cu a kita un cantidad di contratista chiquito puro pa motibo di nan color politico y awor ta impone e medida inhusto aki riba e contratistanan chiquito. Hunto cu e medidanan cu a aumenta costo di bida ferozmente, cuanto abuso mas Promer Minister Evelyne Wever Croes ta kere cu e pueblo aki por soporta, e lider di AVP, mr. Mike Eman a termina su observacion cu hopi preocupacion despues di a scucha e dolor adicional aki di contratistanan chiquito.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio