117
Djamars 3 di desèmber 2019, den oranan di mainta e tim investigativo di e Departamentu di Krímen Organisá a hasi detenshon di e hòmber sospechoso, J.R.L.F. nasé na Kòrsou di 31 aña di edat. Detenshon ta relashoná ku un kaso di asesinato ku a tuma lugá dia 2 sèptèmber 2019, dilanti di un establesimentu riba Caracasbaaiweg. Detenshon di e sospechoso aki, a tuma lugá den Kaya Nubia. Relashoná ku esaki e tim a tene entrada hudisial na dos adres; 1. Kaya Garoeda i 2. Kaya Nubia. Durante e entrada hudisial polis a konfiská varios artíkulo ku ta di importansia pa e investigashon. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon. Investigashon den e kaso aki ta kontinuá.
