Home » Secretario General Joe Koolman a representa MEP na e eleccion di Presidente nobo di COPPPAL, Alejandro Moreno Cardenas

Secretario General Joe Koolman a representa MEP na e eleccion di Presidente nobo di COPPPAL, Alejandro Moreno Cardenas

by Admin
0 comment 77 views

Durante 26 pa 29 november 2019 a tuma lugar un asamblea general di COPPPAL (Conferencia Permanente de Partidos Politicos de America Latina y el Caribe) na Nicaragua y na cual evento a participa tambe e Secretario Internacional di MEP, sr. Joe Koolman. Presencia di MEP na e asamblea aki tabata hopi importante, mirando e bon relacion cu nos partido tin cu PRI (Partido Revolucionario Institucional) di Mexico, esta e partido di entre otro Gustavo Carvajal dfm, gran amigo di Betico Croes dfm y di MEP y kendenan hunto cu otronan a funda COPPPAL na 1979. Pa cu e asamblea ultimo aki PRI a pidi sosten di MEP pa su Candidato y Presidente di PRI Alejandro Moreno Cardenas bira e proximo Presidente di COPPPAL. Cu e sosten incondicional di MEP finalmente durante e asamblea a eligi y huramenta sr. Moreno Cardenas como e Presidente nobo di COPPPAL.

Alabes durante e asamblea aki MEP a logra dos funcion importante den e Organisacion di COPPPAL: sr. Rudy Croes como Vice Presidente pa henter Caribe y Secretario Internacional sr. Joe Koolman como Presidente di Comision encarga cu Decolonizacion y Colonisacion.

Sin duda cu presencia di partido MEP na e asamblea aki a contribui na un eleccion exitoso di e presidencia nobo di COPPPAL pa e proximo periodo.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio