Oranjestad – Diasabra anochi(11’or p.m) pa diadomingo marduga radar a capa ta movecion di un boto direccion Aruba. Mesora esaki a lanta nan sospecho cu lo por ta trata di boto cu ilegal.
Kustwacht mesora a saca un Metalshark, esaki tawata 3 miya pazuid di Manchebo Hotel. Ey nan ta topa cu un boto di 28 pia, abordo 34 hende homber y 1 muhe.
Bou escolta nan a haya instruccion pa drenta Waf di Oranjestad.
Unabes na e Waf di Oranjestad nan a cuminsa cu e proceso cu ta standard pues haci preguntanan y rista e boto completo pa cosnan ilicito. Si lo por tawata tin mes, prome cu e Metalshark yega ta benta esaki/nan den lama.
Despues tur hende lo a wordo poni den un Bus y hiba e base di Guarda Nos Costa na Sabana Berde.
Debi cu ta trata di un cantidad grandi di hende, mester a avisa otro Departamentonan manera Rampen Bestrijding, DVG(Directie Volks Gezondheid) y Dimas trata posibel peticionnan di Asilo cu lo bin dilanti.
Un pabien na Kustwacht Caribisch Gebied, cu a bin ta score constantemente ultimamente.
Loke antes bou otro departamentonan(ariba tera) no tawata e caso mester bisa lamentablemente.