151
Papaya/Fuerte – Diadomingo marduga(2’or) polis a bay den area di Papaya, unda cu un ciudadano lo a mira un dama drumi den un Hyundai Accent. Pa buena marcha ela baha pa chek si tur cos ta ok cu e dama.
E dama a haci masha raro mes y a primi gasolin duro bay, kizas lo a pensa cu e persona ta bay haci’e un daño.
Pero den su “huida” ela pasa rasca/dal algun auto.
Algun rato despues cu polis a yega e dama a wordo haya na “saca” (Vomit) y atrobe na soño.
Wel e dama aki si no tawata tin e suerte manera e cabayero na Ponton.
A pidi Transportwagen pa hibe warda unda elo a haya un cel pa e por sigui drumi te ora e buracheria pasa.
