Home Local Aruba Lions Club a instala 8 miembro nobo

Aruba Lions Club a instala 8 miembro nobo

SHARE

Diarazonn ultimo Aruba Lions Club tabata tin e honor y e gran satisfaccion di a yama bon bini na no menos cu 8 miembro nobo den e oraganisacion di Lions. Den un Surf Side Marina cu su ambiente tropical e siguiente miembronan a ser huramanta pa PDG Lion Frank Croes. Nos tin Lion Philippe Hese kende ta director di projectonan na Divi Resorts. Lion Argeline Henriquez ta e siguiente miembro nobo riba e lista y cu tambe ta traha como maestro.
Siguientemente ta Lion Jonathan Henriquez kende ta un consultant na AFAS. Ta sigui Lion Emlyn Thiel cu ta un maestro y ta fungi como un guia interno. Tambe nos tin Lion Sharline Vis, kende ta un dokter di cas. Sigui pa Lion Daryl Lue cu bedrijsvoerder na DOW.
E penultimo cu a ser instala ta Lion Jefferson Gomez, kende ta eherce e profesion di maestro. Y como ultimo miembro nobo cu a ser instala ta Lion Siegfried Kelly cu ta cabesante di Scol Santa Famia. Ta di e forma aki tambe Aruba Lions Club y cu hopi satisfaccion ta presenta na comunidad di Aruba e Leonan nobo cu a huramenta y kendenan ta yen di gana di traha boluntariamente pa henter e comunidad di Aruba. Despues di e huramentacion tur miembro nobo a ricibi, for di man di e president di Areuba Lions Club, Lion Ivan Croes, nan respectivo pin di Lion y nan pakete corespondiente cu nan instalacion. Esnan cu a sponsor e miembronan nobo ta Lion Rubin Ponson, Lion Igor Croe, Lion Clarice Bufalini-Ras y Lion Ivan Croes.
Mester aclarea na comunidad si cu ta desde september I947 Aruba Lions Club tabata envolvi den numeroso proyecto na bienestar di nos comunidad. Pa finnan administrativo y organisatorio proyectonan basá riba necesidadnan di comunidad e proyectonan aki ta ser dividi internamente den diferente categoria. Awendia e Leonnan di Aruba ta hopi activo den Servicionan Social y di Salud, Rolstoel y Cama Especial pa Enfermonan na cas, Monumento y Relacionnan Patriotico, Asistencia Publico y Hubenil y nan Programa Leo (organisacion hubenil), cu por cierto pronto lo instala nan directiva.
Aruba Lions Club ta hopi orguyuoso cu su 72 aña di servicio humanitario cu sin duda ta algo pa bati riba pecho y por nota esey tambe na e miembronan di club, cu ta orguyoso di e hendenan cu a lanta e club aki, orguyoso di tur loke nan a logra haci den tur e añan ey, y tambe sumamente orguyoso di e comunidad Arubano, cu a contribui generoso na nan proyectonan di recaudo di fondo y asina a yuda e Leonnan aki den nan ayudo na nos propio comunidad.
Si acaso bo ta reconoce bo mes y ta sintibo atrai y kier mas informacion over di Aruba Lions y su proyectonan, bo persona por bishita e facebook page: Lions Club of Aruba of contact un di e miembronan di Aruba Lions Club cu bo conoce of por tuma contacto cu Sr.Ivan Croes via e mail na presidentalc11@gmail.com