Turibana – Diasabra mainta pa mas o menos 8:45 un accidente entre un auto y un brommer a sosode na Turibana.
Prome informacionnan cu a drenta tawata papia cu tin hende herida.
Mesora polis y ambulance a sali pa e sitio.
Na nan yegada a bin topa cu un Mitsubishi Lancer color blanco y e Brommer.
Polis a compronde cu tanto e Mitsubishi y e Brommer tawata bayendo direccion zuid.
Dado momento e Mitsubishi lo a hala of lo a bay kita pa bay su man robes, aki ta unda e Brommer a pase.
Y haye ta dal contra e parti dilanti banda robes di e Mitsubishi. Den e impacto ela cay y rasca su brasa drechi.
Polisnan a cera un parti di e caminda pa haci nan investigacion, mientras Paramediconan a bay atende e hoben Motociclista.
Pa loke ta chauffeur di e Mitsubishi segun nos a compronde elo no tin rijbewijs.