Caya Boes Orman(Arendsstraat) – Diahuebs atardi pa anochi a surgi un problema serio na un supermercado situa den Caya Boes Orman.
https://www.facebook.com/arubanative/videos/2798396923557892/
Tawata trata di dos grupo, esta propetarionan di e Supermercado Chines y un famia.
A resulta cu e famia aki aparentemente lo no mag drenta algun supermercado Chines den e area.
E mes un famia aki tawata esnan envolvi den e hortamento di un boter di Glacial na e supermercado Win Lee, situa den Weststraat algun tempo atras.
Eynan tambe a surgi un bringamento.
Diahuebs atardi pa anochi no ta conoci kiko nan haci e biaha aki, pero nan lo a worda saca of prohibo di drenta e Supermarket.
Esaki lo no a cay den bon tera cerca e mama y su yiunan morocho, cu tawata den e compania di un homber mas.
Bay bin bek
Loke e Chinesnan no a spera ta cu nan lo a bin bek y purba drenta cu forsa e supermercado.
Ariba imagennan di Camara di Siguridad por mira un di e morochonan sacando loke ta parse un cuchiu, y lo a usa esaki tambe, poniendo e na garganta di un Chines.
Mirando esaki un otro Chines lo a sali pa yuda su paisano cu un biga.
Aki a start un bululu cu a termina na coremento tras di otro ariba caya.
E morochonan of un di nan lo a manda un klinker of parti di un klinker ariba e Chines, esaki lo no a dale.
Despues ela coy un piedra y mande ariba dje atrobe y esaki si a dale na su pia.
Na yegada di polis e famia a duna nan parti y polis a bay over na detene dos Chines cu aparentemente lo a defende nan mes.
Ambos a wordo aresta y transporta cu Transportwagen pa Warda.
E parti aki ta poco confuso, door cu e dos Chinesnan lo a sali defende nan mes. Y ta nan negoshi pa sa ken of no ta drenta nan luga.
Loke e polisnan no tawata sa e momento ey ta cu e hobennan morocho cu a bira conoci bou e nomber Glacial a saca cuchiu y pone na altura di garganta di un di e Chinesnan.
Manera nos a bisa caba mas ariba, ey ta unda e Chines cu ta omo a sali na vanguardia di su sobrino y nan a keda deteni.
No ta conoci si autoridad lo a bay over na detene e yiu cu a usa cuchiu pa menasa hende.