Nos por a tuma nota cu awe pa di dos biaha Benny Sevinger ta sali cu atakenan baho y vil. E rabia personal cu e tin contra mi persona y su desesperacion ta bisto. Pero mas e papia mas material e ta dunami pa substancia mi keho contra su persona. Dus di e banda aki mi ta gradicie pa su exprecionnan mentiroso di awe.
Ta bisto cu e no ta compronde nada di ley y e aparato Hudicial. Y ta sigui escohe pa hiba un politica hopi vies. E desesperacion ta di compronde y e atake personal tambe, pasobra entre otro mi persona a entrega un “onderzoeksrapport” na Ministerio Publico”.
BENNY SEVINGER AWE TA SOSPECHOSO
Manera ta conoci Mike Eman su liderazgo a conduci na e hecho cu un ex-minister di su gabinete a wordo condena pa corupcion. Y aworaki tin un otro di su ex-ministernan, actual Parlamentario Benny Sevinger, cu ta wordo sospecha pa estafa, maluza su funcion, soborno, labamento di placa y falsificacion di documento.
E encargonan contra sr. Sevinger, cual hopi informacion a wordo publica den medionan di comunicacion for di aña 2016 caba, ta trata specificamente otorgamento di por lo menos 82.157 meter cuadra di tereno contra proceduranan vigente. Personalmente mi ta kere sr. Sevinger ta hopi preocupa y desespera, y p’esey ta permiti Mike Eman manipule y uze.
OBLIGATORIAMENTE BENNY SEVINGER LO MESTER RETIRA
Dentro di poco lo trata e ley di integridad den cual ta stipula cu un Parlamentario cu ta sospechoso no por keda eherce su funcion. Esaki ta den articulo 8 di e ley cual ta aplicabel pa Ministernan, pero conseho consultativo a indica cu esaki mester conta pa Parlamentarionan tambe. Esaki ta e desesperacion real di Benny. E ley aki por cierto ta un ley cu entre otro mi persona a entrega
PA CONCLUI
A base di Sr. Sevinger su manipulacion y defamacion na su debido tempo e lo mester responsabilisa su mes dilanti mesa berde. Y mas e papia mas material e ta duna mi abogado pa uza contra cu persona.