59
Willemstad, Korsou: Djárason 27 di novèmber 2019, alrededor di 06.00’or, e tim investigativo di e Departamentu di Krímen Organisá a tene entrada hudisial na un kas den Haitiweg i a hasi detenshon di e hòmber sospechoso, G.J.N.C., nasé na Kòrsou di 27 aña di edat. E detenshon aki ta relashoná ku un kaso ku ta andando tokante di violashon di lei di arma di kandela. Durante di e entrada hudisial polis a haña i konfiská un arma di kandela i munishon. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon. Investigashon den e kaso aki ta kontinuá.