Home » Aruba North Little League (ANLL) ta preparando pa temporada di Little League 2020

Aruba North Little League (ANLL) ta preparando pa temporada di Little League 2020

by Admin
0 comment 54 views

Oranjestad, Aruba – E Campeonato den categorianan di Tee ball (5/6), Coach Pitch (7/8), Minor (9/10), Major (11/12), Junior (13/14) y Senior (15/16) ta programa pa start sali dia 11 di januari 2020.

Aruba North Little League ta preparando e campeonato nan aki cu ayudo di voluntarionan di diferente organisacion den e liga mes. Competitie leiders nan tin e tarea di percura pa veldnan, schedule, umpire, scorer, etc. No ta un trabou fasil, pero sigur un trabou cu ta un recompensa pa tur e muchanan cu ta forma parti di Little League.

E programa di Little League ta existi ya caba pa 60 aña na Aruba y ta brinda e muchanan e oportunidad pa forma parti di un ekipo, hungando e deporte cu nan ta stima. Esnan cu tin e smaak y cu ta briya den e deporte tin e posibilidad y honor pa representa nan isla den exterior como parti di e seleccion. Esey mes ta bira nan drive y motivacion di cada dia. Little League ta un programa completo di baseball cu nos como pais miembro ta cumpli cune a lo maximo dentro di nos posibilidadnan.

Teniendo na cuenta tur e posibilidadnan cu kier brinda na nos peloteronan nos ta recorda tur mayor cu e teamnan lo entrega roster y inschrijfgeld diasabra 30 di november proximo. Ta pidi cooperacion di mayornan pa cumpli cu e inschrijfgeld pa asina e campeonato por cuminsa manera stipula dia 11 di januari 2020 y termina pa fin di april 2020.

Categorianan 5/6 y 7/8: 35 Florin
Categorianan 9/10 – 15/16: 50 Florin (plus 15 tickets di rifa den 2020)

Nos ta preparando pa e temporada di mas dushi di aña pa locual cu ta trata e deporte di baseball. E muchanan tin derecho di hunga nan deporte y nos como mayor tin e deber di hasi e inversion nan necesario pa hasi esaki posibel.

Ainda por inscribi tur mucha di edad 4+ cu ainda no ta practicando e deporte di baseball y laga nan cuminsa train den januari. E programa di Little League tin como lema: caracter, curashi y lealtad y ta ofrece un cantidad grandi di experiencianan unico y benefisioso pa nos muchanan y nos comunidad. Bishita www.arubalittleleague.org awe mes pa informacion di teamnan den bo bario y trese e yui, nieto/a, subrino/a y bisiña pa hasi su promesa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio