Alto Vista/Tanki Leendert – Dialuna anochi pa mas o menso 7:20 informacion a drenta ma polis cu un pick up Ford color shinishi cu a wordo horta na Alto Vista.
Mesora ta manda un mensahe pa tur patruya ariba caya cu datonan di e pick up, principalmente e plachi number.
Polisnan lo a haya instruccion pa manera cu topa e auto pare y detene e chauffeur.
Algun minuut despues cu agentenan a ricibi tur datos a cuminsa tira bista ariba caya.
Na Tanki Leendert a bin top cu e pick up.
Mesora a detene e chauffeur y pone den boei.
Ta trata di un homber ya conoci pa polis, eta un persona no local cu muy probablemente ta sufri di un problema mental.
Algun tempo atras e mesun homber aki a cana drenta diferente cas insinuando cu e ta biba eynan.
E biaha nan ey polis mester a interveni y a bay over na detene.
Pero, despues di “algun dia” deteni e ta wordo poni bek den libertad, unda su problema mental ta pone haci cosnan robes.
Nos ta haci un apelacion na e Instancia/nan concerni pa haci algo cu e homber aki prome cu e bay haci algo cu pueblo lo lamenta.
Prome e tawata cana drenta cas di hende y bisa cu ta su cas, awor ela bay over na horta un Pick Up Ford cu lo tawata habri(unlock).