Home » POSITIVE FOUNDATION TA PRESENTA CONCIERTO DI GOSPEL ‘ARUBA BO TA BENDICIONA’ IIi

POSITIVE FOUNDATION TA PRESENTA CONCIERTO DI GOSPEL ‘ARUBA BO TA BENDICIONA’ IIi

by Admin
0 comment 99 views

Oranjestad – Pa di tres aña consecutivamente Positive Foundation ta presenta diasabra, dia 30 di November di 7’or pa 9or di anochi den Cas di Cultura, e tremendo concierto di Gospel Diadomingo ‘Aruba bo ta bendiciona’ III.

Presidente di Positive Foundation, Glen Penniston su vision ‘Aruba bo ta bendiciona’ ta pa tur cuidadano di Aruba realisa cu nos ta biba riba un isla maraviyoso y realisa tambe con bendiciona cada un di nos ta.

E artistanan internacional invita ta Willy Rodriquez cu pa di tres aña lo bin canta su canticanan di gospel tan gusta. Tambe pa prome bes Amy Nia Feliz di Corsou lo bin presenta cu cancionnan na Aruba hunto cu nos artistanan local Eltienne Yarzagaray, Randall Croes y God Soldiers y actuacion special di NFuzion.

Mesuncos cu aña anterior Positive Foundation a uni cu varios sponsor, cual a duna nan cooperacion pa nos hende grandinan di varios Cas di hende grandi por bin presencia ‘Aruba bo ta bendiciona’ III. Esaki ta pa laga nos hende grandinan sa cu Aruba ta aprecia nan y cu cada un di nan ta un bendicion pa nos isla.
Comunidad en general tambe por bin presencia e tremendo concierto di ‘Aruba bo ta bendiciona’III. Carchinan na balor di Afl. 35 ta na venta na Valero Essoville, Valero Boulevard y Dowco Sta. Cruz.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio