Parlamentario Endy Croes ta splica di trabounan cu Parlamento ta atende unda tur siman tin hopi trabou ta tuma lugar banda di ta atende pueblo tur dia y tin diferente reunion cu diferente instancia of na Parlamento of na nan kantoor pero tratamento di Ley ta keda prioridad di Parlamento.
Dia 20 di november ultimo a tuma lugar un reunion publico pa trata un ley hopi anhela esta e ley di Defensor di Pueblo y Defensor di Mucha (Na Hulandes conoci tambe como Ombudsman y Kinder Ombudsman). E deseo pa bin cu e Ley aki como Ley di iniciativa ta data historicamente desde 2005 bou di gobernacion di signatura di MEP unda Parlamentarionan e tempo aya, Sra van Poppel, Sr. Bisslik, y Edwin Jacobs awe Directeur na SVB ta esnan cu a cuminsa cu esaki y a entrega e Ley aki cual pa algun rason desconoci nunca a ser trata pa wordo aproba.
Sra. Marisol Lopez desde 2013 en adelante a continua y a lidera e deseo aki y na 2016 a entrega e iniciativa aki bek hunto cu diferente miembro di Fraccion di AVP e tempo aya y ex-Parlamentarionan Andin Bikker, Xiomara Maduro, Evelyn Wever Croes, Guilfred Besaril kendenan tur a sostene e iniciativa y deseo pa un Defensor di Pueblo y Defensor di Mucha. Marisol den su discurso a splica Parlamento cu di tur esnan cu a inicia e deseo aki desde 2005 bin ariba ta su persona y Mervin Wyatt Ras ta uniconan cu ainda ta den Parlamento.
Algo otro cu tambe a hunga su rol cu desde 2016 nunca AVP y Mike Eman no a percura pa pensa y aloca un presupuesto pa esaki apesar cu a haci e peticion pa presupuesta 1.2 miyon pa esaki. Claramente esaki no ta interesa Mike Eman. E Coalicion aki si mesora a aloca e suma aki y den 2020 lo mira desaroyonan alrespecto. Desde november 2017 cu Coalicion aki a sinta a pick up e Ley aki y a reuni diferente biaha cu e kwartiermaker Sra Sahaira Kelly pa asina por cuminsa prepara e trabounan pa e instituto Defensor di Pueblo. Como cu desde cu Parlamento # 10 esta e Parlamento nobo aki a revisa e concepto di Ley unda a sugeri diferente cambio adicional perfeccionando esaki mas aun, Sra. Marisol Lopez como un di e esnan cu a bin cu e iniciativa di ley a haci e peticion pa manda e ley aki bek pa Raad van Advies pa un conseho final promer cu bay over na aprob’e.
Parlamento a bay di acuerdo cu esaki y a dicidi pa ofrece Raad van Advies e Ley aki pa un conseho final y asina cu e conseho aki bini bek Parlamento lo yama e reunion final pa aproba e ley aki. Mientrastanto lo aloca fondonan necesario den presupuesto pa adelanta trabounan pa por tin e oficina di Defensor di Pueblo y Defensor di Mucha cla y operacional na 2020. Manera cu aproba e Ley, solicitudnan lo sali pa tur e posicionnan cu e oficina aki ta rekeri. Parlamentario Endy Croes kier refleha un con largo un Ley tin biaha ta dura promer cu e wordo cristalisa. Un deseo di MEP desde 2005 pronto lo wordo realisa y lo duna credito na tur cu den transcurso di tempo a dedica tempo pa traha riba e ley aki. Un cos ta sigur. Den aña 2020 Aruba lo tin su Defensor di Pueblo y Defensor di Mucha. Pabien.