Amsterdam: Corte di Husticia na Amsterdam a condena Sra. Aysel Erbudak cu 15 luna di castigo di prison y tambe a prohibi’e di funciona como manager pa un periodo di 6 aña y 3 luna. Sra. Erbudak ta un persona conoci na Aruba como cu e ta pareha di ex minister Visser, kende tabata riba lista di AVP y na 2009 a bira Minister di e Gobierno di e tempo ey.
Erbudak a wordo haya culpabel pa malversa di 1,2 miyon Euro y tambe den valsheid in geschrifte, ela wordo haya culpabel. Ministerio Publico na Hulanda a exigi dos aña di castigo di prison y tambe cu lo e mester paga e 1,2 miyon Euro bek.
Na momento di duna e castigo, Hues a tene cuenta cu Erbudak tin un strafblad caba y a wordo sentencia na 1996 y na 2000 pa su participacion den Crimen Organisa y Fraude.
E beroepsverbod a wordo duna paso hues lo ta teme cu si e bolbe bay haya un funcion den Management, elo por bolbe haci e mesun fout cu ela haci na e Hospital Slotervaart.
Na 2012 Erbudak a wordo retira como voorzitter di e Raad van Bestuur di e hospital Slotervaart. Hunto cu su partner di negoshi Jan Schram, un desaroyador di tereno y un multimiyonairo, Aysel a bira doño di e Hospital, e tempo ey, e hospital tabata den un situacion financiero precario. Bou maneho di Erbudak e hospital su situacion a mehora, pero despues a bolbe cay den problemanan financiero hopi serio.
Ela wordo retira despues di fayecimento di su Business partner Schram y ela haye den un conflicto cu e companianan di aseguro Achmea den cual e problema a escala y esaki a pone cu e Raad van Bestuur a cuminsa cu un investigacion den e administracion y den cual varios transaccion dudoso a sali na cla. Den un caso Civil Erbudak a wordo condena pa esaki y esaki a haci cu ela bay personalmente failliet.
E condena di valsheid in geschrifte ta segun corte cu elo a traha recibonan falso.
Na 2013 e hospital Slotervaart a bay den man di Loek winter y su business partner y aña pasa e hospital a wordo declara bancarota.