Luigi Bergen a informa partido MEP siman pasa cu e kier entrega su retiro como Parlamentario, desde e momento cu el a bira un sospechoso, mientras cu e caso ta andando y despues cu su inocencia wordo prueba, e por drenta bek den Parlamento. Pasobra tanto Luigi como henter partido MEP ta di opinion cu ora un Parlamentario bira sospechoso, e no por keda den Parlamento. Maske no tin ningun ley ainda cu ta stipula esey, partido MEP ta para pa integridad. Lider y Presidente di partido a honra e peticion di Luigi Bergen, y a pidi Luigi pa keda un tempo mas pa asina por regla su reemplaso, y pa Parlamento por trata e leynan mas importante cu mester trata ainda e aña aki.
INTEGRIDAD
Cu esaki Luigi Bergen y partido MEP ta demostra kico ta realmente integridad den politica. Dia cu Luigi a bira Parlamentario, e no tawata sospechoso y hasta a presenta un declaracion di OM. MEP ta condena e hecho cu Benny Sievinger ta sospechoso di corupcion serio y ta den Parlamento ainda manera nada no a pasa. E grado di sinberguenseria aki ta wordo rechasa pa henter comunidad y partido MEP ta demostra con pueblo di Aruba kier pa atende cu integridad.
KEN TA REEMPLASA LUIGI BERGEN?
Darlaine Guedez-Erasmus, lo reemplasa Luigi Bergen den Parlamento. Darlaine tabata number 17 riba e lista di MEP na 2017 y a obtene 525 voto. Darlaine ta casa y ta mama di dos yiu. Darlaine a lanta den e districto di Paradera y tabata activo den varios acrividad social den bario. E tin un HBO diploma Sociaal Pedagogische Hulpverlening y a traha cu adictonan, problemanan social, problemanan den famia y ultimo dos aña a traha cu Minister Glenbert Croes riba e tereno social. Awor Darlaine lo por aplica su conocemento, experiencia y vision den e organo constitucional mas halto di Aruba.